Heimskringla 3 [AM 63 fol]
[ < ] [ > ] [ dipl ] [ home ]
[pag. 1 (ed. )]
Uphaf Magnús konongs goða

Magnus Oláfsſon byriaði ferð ſina
eptir jólin ꜹſtan af Holmgarði ofan
til Aldeigio borgar taka þeir at bua ſcip
ſin er iſa leyſti um varit þess getr
Arnoʀ Jarla ſcald i Magnús drápo
1
Nu hycc rioðanda reiþo
róg ꜹrs þvíat veitc gerva
þegi ſeimbrotar ſegia
ſeɢiom hneitis eɢia
vara xi allra
ormſetrs hati vetra
hrꜹſtr þa er herſcip glæſti
horða vinr or gorðum
Magnús konongr helt ꜹſtan um varit
til Sviþioðar. Sva ſegir Arnoʀ.
2
Þing bꜹð ut hiɴ ungi
eɢrioðandi þioðo
fim bar hirð til hꜹmlo
hervæðr ara bræðis
ſalt ſcar hfi helltum
hrꜹſtr þioðkonongr ꜹſtan
baro brimlogs ryri
brimveðr at Sigtunom
Her ſegir at Magnús konongr þa er hann for ꜹ-
ſtan or garða ríki at hann ſigldi fyrzt
til Sviþioðar oc upp til Sigtuna, þa
var konongr i Sviðioð Emundr Oláfs
ſon þar var þa oc Aſtrið drotning
er att hafþi hinn helgi Oláfr konongr, hon
[ < ] [ > ] [ dipl ] [ home ]

Problems with the font? Read these instructions or simply click the PDF button in the header. | Design & implementation: AKSIS, Unifob 2009