[pag. 1r (ed. )]
Við svefnleysi. tak gras þat er heitir migon
oc stappa ísvro vini. oc rið þat vm allan likam manz
oc gef honvm svrvr at eta. þat gerir svefn allvel.
Við sar tak savr oc leɢ við vm dag oc nott. oc siþan
tak svina gall. eða. navta. eða geita. oc stappa
við sallt sva sem pipar. oc leɢ við sar vm kveld. ocmor-

7

gon iannat siɴ. þat græþir einkvm vel.
⟨V⟩ið orms bit. tak log af læcknis grasi. oc oleo ocsalt
oc gef honvm dreka þat hrindr eitri or
Við béinbrot tak hana oc stappa allan með fioðrum. ocbitt
við þat græþir skiotaz.
Við of feitan qvið tak rogbrauð eigi blaɴdað við aɴnat
korn oc briot í vín eða avlðr. oc lat standa nætr
siav. eɴ siþan drek af þvi hvern morgin oc hvern aptan
of .xíí. manoðr þa mvntv sveingiaz.
Ef qvisa er komin í hond þer. þa tak kavtt oc drep
oc stik heɴdi þinɴi íhann. ef hann er varmr. eɴ siþan bitt vm