[pag. 1r (ed. )]
Við svefnleysi ― Tak gras þat er heitir migon
ok stappa í súru víni. Ok ríð þat um allan líkam manns
ok gef honum súrur at eta. Þat gerir svefn allvel.
Við sár ― Tak saur ok legg við um dag ok nótt. Ok síðan
tak svína gall eða nauta eða geita ok stappa
við salt svá sem pipar ok legg við sár um kveld ok mor-

7

gin í annat sinn. Þat græðir einkum vel.
Við ormsbit ― Tak lög af læknisgrasi ok oleu ok salt
ok gef honum drekka. Þat hrindr eitri ór.
Við beinbrot ― Tak hana ok stappa allan með fjöðrum ok bitt
við. Þat græðir skjótast.
Við offeitan kvið ― Tak rúgbrauð eigi blandat við annat
korn ok brjót í vín eða öldr ok lát standa nætr
sjau. En síðan drekk af því hvern morgin ok hvern aptan
of tólf mánuðr. Þá muntu svengjask.
Ef kveisa er komin í hönd þér, þá tak kött ok drep
ok stikk hendi þinni í hann, ef hann er varmr. En síðan bitt um