Codex Regius of Eddic poems: Völuspá [GKS 2365 4to]
[ < ] [ > ] [ facs ] [ dipl ] [ norm ] [ home ]
Codex Regius av eddadiktningen
[pag. fol. 1r (ed. )]
1
Vǫluspá
1
Hljóðs bið ek allar
kindir
meiri ok minni
mögu Heimdalar
vildu að ek Valföðr
vel fyr telja
forn spjöll fira
þau er fremst um man.
2
Ek man jötna
ár um borna
þá er forðum mik
fædda höfðu.
Níu man ek heima
níu íviðjur
mjötvið mæran
fyr mold neðan.
3
Ár var alda
þar er Ýmis byggði
var-a sandr né sær
né svalar unnir
jörð fannz æva
ne upphiminn
gap var
en gras hvergi.
4
Áðr Burs synir
bjöðum um yppðu
þeir er Miðgarð
mæran skópu.
Sól skein sunnan
á salar steina
þá var grund gróin
grænum lauki.
5
Sól varp sunnan
sinni mána
hendi inni hægri
um himin jódýr.
Sól það né vissi
hvar hon sali átti
stjörnur það né vissu
hvar þær staði áttu
máni þaðan né vissi
hvað hann megins átti.
6
Þá gengu regin öll
á rökstóla
ginnheilög goð
ok um það gættuz
nótt ok niðjum
nöfn um gáfu
morgin hétu
ok miðjan dag
undorn ok aftann
árum at telja.
7
Hittuz æsir
á Iðavelli
þeir er hörg ok hof
hátimbruðu.
afla lögðu
auð smíðuðu
tangir skópu
ok tól gjörðu.
8
Teflðu í túni
teitir vóru.
var þeim vettergis
vant ór gulli.
unz iii kvómu
þursa meyjar
ámátkar mjök
ór jötunheimum.
9
Þá gengu regin öll
á rökstóla
⟨ginnheilöggoð⟩
⟨okumþaðgættuz⟩
hverr skyldi dverga
dróttin skepja
ór Brimis blóði
ok ór blám leggjum.
10
Þar Mótsognir
mæztr um orðinn
dverga allra
en Durinn annarr
þeir mannlíkun
mörg um gjörðu
dvergar ór jörðu
sem Durinn sagði.
11
Nýi. ok Niði
Norðri ok Suðri
Austri ok Vestri
Alþjófr Dvalinn.
Bífurr Báfurr
Bamburr Nóri
Ánn ok Ánarr
Ái Mjöðvitnir.
12
Veigri ok Gandalfr
Vindalfr Þráinn
Þekkr ok Þorinn
Þrór Vitr ok Litr
ok Nár ok Nýráðr
nú hefi ek dverga
Reginn ok Ráðsviðr
rétt um talða.
13
Fíli, Kíli,
Fundinn, Náli,
Hefti, Víli,
Hanarr, Svíurr,
Frár Hornbori,
Frægr ok Lóni,
Aurvangr, Jari
Eikinskjaldi.
14
Mál er dverga
í Dvalins liði
ljóna kindum
til Lofars telja.
Þeir er sóttu
Frára salar steini
aurvanga sjöt
til jöruvalla.
15
Þar var Draupnir
ok Dólgþrasir
Hárr Haugspori
Hlévangr Glói.
Skirfir. Virfir.
Skáfiðr. Ái.
15.2
Álfr ok Yngvi
Eikinskjaldi.
Fjalarr ok Frosti
Finnr ok Ginnarr.
Það mun uppi
[ < ] [ > ] [ facs ] [ dipl ] [ norm ] [ home ]

Problems with the font? Read these instructions or simply click the PDF button in the header. | Design & implementation: AKSIS, Unifob 2009